لو ربنا فك عقدتك0000 واتخطبتى

[noor_elislam]

آنستي العزيزة

.. لو ربنا فك عقدتك.. واتخطبتي..

فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية ..

على أحلى محلات أكل ف البلد..

واللي عمرك مانتي شايفاها بعد الجواز..

المهم نصائحي لك عند أي عزومة مع ختيبك..

قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا



2- العيش

أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه... .



3- الشوووربة.

ابوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص. . ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....



4- الرز

طبعاً .. بيتاكل بالشوكة.. أوعي إيدك تتمد ع المعلقة. . وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..



5- المكرونة

.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6- السمك

.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص..
قولي مابحبش السمك وخلصي نفسك..



7- الجمبري

أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..



8- البطاطس

سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..



9- الفاكهة

.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....



10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....



وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..


وبعدين تستأذني منه لدخول التوليت لإصلاح ماكياجك..

وتخشي التواليت وتطلعي من شنطة إيديك..

لفة الفول والطعمية اللي جايباها معاكي..



وبالهنا والشفااااااااااااا

:n_shine:

[الامبراطورة]

ههههههههههههههههههههههه
بوركت اختاه وسلمت يداك
اولا هي ليست فك للعقدة متل ما بتقولي هاي مووووووووووت
اني هاي اللي بدها تقعد وتوكل هيك
لعمرها ما تذوقوا للاكل
وبعدين
ياخي من اصلو اذا لازم هيك
تتخطبش
ببقا احسنلها

[بنت السرايا]

بسم الله الرحمن الرحيم
السلام عليكم ورحمة الله وبركاته
اولا اختي الفاضلة " نور الاسلام " لا ادري لما تطلقين كلمة فك العقدة اذا خطبت !!
وهل اذا لم تخطب تبقى البنت معقدة !!!
صراحة كلمة غير مناسبة ،،،،،،،،،،
وناتي لنصائحك اختي الفاضلة وانا اقرا فيه جاء الى فكري اعمال الغرب وكيفة التاثر بها وكانك تحديثا عن الغرب ،،،،،،،،،،
يعني انت تكلمت وتكلمت ولم تحضري سيرة ان تكون مؤدبة وخلوقة في المطعم مثلا ،،،
اختي الفاضلة مع احترامي الشديد لك ولمواضيعك التي اعتدنا عليها بالفائدة الا ان هذه النصائح التي ذكرتيها ليست بمحلها مثلاتاكلي الرز بالشوكة !! والذهاب للتواليت من اجل ان تتمكيج!! وتبوسي الفوطة !! فهذه كما اعتقد لا تناسبنا كمجتمع اسلامي عربي وليس لهدرجة علينا الاهتمام بتلك الامور فهناك ما هو اهم واهم ،،
حياك الله اختي الفاضلة واعذريني على هذه المشارمة وافيدنا بكل جديد كما اعتدنا منك ،،،،،،،



مع التحية












بنت السرايا

[الامبراطورة]

اخت بنت السرايا
انا الحقيقة فهمت قصدها
كان قصدها النكتة والضحك والاستهزاء على من يقلدون الغرب
لان هذه المواضيع مرت علي
انها استهزاء بالحضارة التي تقلد الغرب
اما اذا كان جدي فاكيد اللي بتقوليه اخت بنت السرايا صحيح 100 %
مشكووووووووووووووووووورة اخت بنت السرايا واخت نور الاسلام

[سمـر]

هههههه

مشكورة اختى بس اكيد هاد الاشياء مو من اولويات حياتى

[أميرة الورد]

هههههههههههههههههههه هههههههههههههههههه ههههههههههههههههههه


[Link nur für registrierte Benutzer sichtbar]

[noor_elislam]

ياجماعة أنا غرضى الضحك والهزار لا غير والله

[بنت السرايا]

بسم الله الرحمن الرحيم
السلام عليكم ورحمة الله وبركاته
حصل خير اختي الفاضلة "نور الاسلام " وحياك الله





مع التحية











بنت السرايا

[noor_elislam]

بسم الله الرحمن الرحيم
السلام عليكم ورحمة الله وبركاته
حصل خير اختي الفاضلة "نور الاسلام " وحياك الله





مع التحية











بنت السرايا:b_ema2ah: :_smile_m0

[hatim]

ههههههههههه
جميل جميل جدا أختي نور الاسلام
أنا خليت أختي تقرأها وهي الان قلقه من موضوع الخطوبة تعمل ايه بالظبط
انا ماليش دعوة :b_to2: .. انتي السبب
بهزر على فكرة وشكرا على موضوعك الجميل ده
تقبلي تحيات أخوكي حاتم حته

[بنت الجهاد الاسلامي]

hhhhhhhhhhhhhhhhhhhhhhhhhههههههههههههههههههههههههه هههههههههههههههههههه جميلة جدااااا

[ام اسامة]

الله .......الله
يعني رحنا فيها يا بنات!!!!
يا روحي شوي شوي علينا
يعني انتي هيك خليت الامر معقد
امزح معك عزيزتي
وان شاء الله نفرح فيكي وفي كل بنات المنتدى واخواتنا
ياااااااارب
قولي آآآآآآآآمين
تحياتي...........ام اسامة
مشرفة محور الاخت المسلمة

[noor_elislam]

ااااااااااااااااااااااامين أختى أم أسامه
وشكور أخى حاتم ليه متخليش أختك تشترك معنا فى المنتدى
عموما قول لها لاتقلق ههههههههههههههههههههههه
كورين جميعا على المرور